(ബാലഗോകുലം ഇരിങ്ങാലക്കുട ജില്ല )
സ്വാമി വിവേകാനന്ദന്റെ 150 ആം ജന്മവാര്ഷികം പ്രമാണിച്ച് ചെന്ദ്രാപ്പിന്നി വിവേകാനന്ദ ബാലഗോകുലത്തിലെ കുട്ടികളായ ഞങ്ങള് എല്ലാ കൂട്ടുകാര്ക്കും ആയി സമര്പ്പിക്കുന്നു
പ്രശ്നോത്തരി
01.നരേന്ദ്രന്റെ ഗുരു ആരായിരുന്നു ? >ശ്രീരാമാകൃഷ്ണപരമഹംസന്
02.അങ്ങ് ഈശ്വരനെ കണ്ടിട്ടുണ്ടോഎന്ന വിവേകാനന്ദന്റെ ചോദ്യത്തിന് ശ്രീരാമാകൃഷ്ണപരമഹംസന് ദൃഡസ്വരത്തില് പറഞ്ഞതെന്ത് ? >''ഉണ്ട് ഞാന് കണ്ടിട്ടുണ്ട് നിന്നെകാണുന്നതിലും വ്യക്തമായി ! നിനക്കും വേണമെങ്കില് കാണിച്ചുതരാം ''
03.ഏതു ജില്ലയില് ആണ് ശ്രീരാമാകൃഷ്ണപരമഹംസന് പിറന്നത് ? >ബംഗാളിലെ ഹുഗ്ലി ജില്ലയില്
04.ശ്രീരാമാകൃഷ്ണപരമഹംസന് പിറന്ന സ്ഥലം ? >കമാര് പുക്കൂര്
05.ശ്രീരാമാകൃഷ്ണപരമഹംസന് ന്റെ അച്ഛന്റെ പേര് ? >ക്ഷുദിരാം ചാറ്റര്ജി
06. ശ്രീരാമാകൃഷ്ണപരമഹംസന്ന്റെ മാതാവിന്റെ പേര് ? >ചന്ദമണിദേവി
07.ശ്രീരാമകൃഷ്ണദേവന് ജനിച്ച വര്ഷം തിയതി ? >1836 ഫെബ്രുവരി 18
08. ശ്രീരാമകൃഷ്ണദേവന്റെ ബാല്യ നാമം ? >ഗദാധരന്
09. ശ്രീരാമകൃഷ്ണദേവന് വിവാഹം കഴിച്ചത് എത്രാമത്തെ വയസില് ആണ് ? >23
10.ശ്രീരാമകൃഷ്ണദേവന്റെ പ്രിയ പത്നിയുടെ നാമം ? >ശാരദാമണി ദേവി
11.ധര്മ്മപത്നിയെ ശ്രീരാമകൃഷ്ണദേവന് ഏതുരൂപത്തില് ആണ് സ്വീകരിച്ചത് ? >താന് പൂജിക്കുന്ന കാളിമാതാവിന്റെ രൂപത്തില്
12.ശ്രീരാമകൃഷ്ണദേവന് തുടക്കമിട്ട സന്യാസി സംഘത്തിന്റെ പേര് എന്ത് ? >ശ്രീരാമകൃഷ്ണ മഠം
13. ശ്രീരാമകൃഷ്ണദേവന് പൂജാരിയായിരുന്ന ക്ഷേത്രം ? >ദക്ഷിണേശ്വരം കാളിക്ഷേത്രം
14.ആരുടെ ഉടമസ്ഥതയിലുള്ള ക്ഷേത്രമായിരുന്നു ? >റാണി രാസമണി ദേവി
15.ശ്രീരാമകൃഷ്ണദേവന്റെ ഗുരു ആരായിരുന്നു ? >തോതാപുരി
16. ശ്രീരാമകൃഷ്ണ പ്രസ്ഥാനത്തിന്റെ ആപ്തവാക്യം ? >''ആത്മനോ മോക്ഷാര്ത്ഥം ജഗത് ഹിതായച''
17.''ആത്മനോ മോക്ഷാര്ത്ഥം ജഗത് ഹിതായച'' എന്നതിന്റെ അര്ഥം ? >സ്വന്തം മുക്തിക്കും ലോകമംഗളത്തിനും
18.ജീവികളോട് ദയമാത്രമല്ല കാണിക്കേണ്ടത് അവരെ സേവിക്കുക എന്ന് ഉപദേശിച്ചത് ആര് ? >ശ്രീരാമകൃഷ്ണ പരമഹംസന്
19. ശ്രീരാമകൃഷ്ണ ദേവന് ധ്യാനനിരതനാകുമ്പോള് സംഭവിക്കുന്ന സമാധിയുടെ പേര് എന്ത് ? >നിര്വികല്പ സമാധി
20.ശ്രീരാമകൃഷ്ണ ദേവന് സമാധിയായ ദിവസം ? >1886 ആഗസ്റ്റ് 16 തിങ്കളാഴ്ച
21.സമാധിസ്ഥനായ ശ്രീരാമകൃഷ്ണദേവനെ സംസ്കരിച്ച സ്ഥലം? >വരാഹനഗരം
22.ശ്രീരാമകൃഷ്ണ ദേവനുമായി ബന്ധപ്പെട്ട് വിവേകാനന്ദന് ചിലവഴിച്ച വര്ഷം ? > 6 വര്ഷം
23.ദക്ഷിണേശ്വരം കാളിക്ഷേത്രം നിര്മ്മാണംപൂര്ത്തിയായ വര്ഷം ഏത് ? >1855
24. ശ്രീരാമകൃഷ്ണ ദേവന് അവസാനമായി താമസിച്ച ഗൃഹം ഏതാണ് ? >ദക്ഷിണേശ്വരം കോസിപ്പൂരിലെ ഉദ്യാന ഗൃഹം
25.വിവേകാനന്ദസ്വാമിക്ക് നല്കിയ രാമകൃഷ്ണദേവന്റെ അവസാന വാക്കുകള് ? >''ഹി! നരന് ! എനിക്കുള്ളതെല്ലാം ഞാന് നിനക്ക് തന്നിരിക്കുന്നു .മഹത്തായകാര്യങ്ങള് ചെയ്യാന് നിനക്ക് ഇത് ഉപകരിക്കും .ദേവി നിന്നെകൊണ്ട് പല കാര്യങ്ങളും ചെയിക്കും ''.
26.എത്രാമത്തെ വയസില് ആണ് ശ്രീരാമകൃഷ്ണ ദേവന് ദക്ഷിണേശ്വരക്ഷേത്രത്തിലെ പൂജാരി യായിരുന്നത് ? >19 മത്തെ വയസില്
27. ശ്രീരാമകൃഷ്ണ ദേവന്ന്റെ അന്തരംഗ ശിഷ്യന്മാരുടെ എണ്ണം ? >16
28.ശ്രീരാമകൃഷ്ണ ദേവന് നരേന്ത്രനെ ആരുടെ വീട്ടില് വച്ചാണ് ആദ്യമായി കണ്ടുമുട്ടിയത് ? >സുരേന്ദ്രനാഥമിത്ര
29. ശ്രീശാരദാദേവി ജനിച്ച ജില്ല ? >ബംഗാളിലെ ബാങ്കറ ജില്ല
30. ശ്രീശാരദാദേവി യുടെ ജന്മസ്ഥലം ? >ജയറാംവാടി
31. ശ്രീശാരദാദേവി ജനിച്ച ദിവസം ? >1853 ഡിസംബര് 22
32. ശ്രീശാരദാദേവി യുടെ അച്ഛന്റെ പേര് ? >രാമചന്ദ്രമുഖര്ജി
33. ശ്രീശാരദാദേവി യുടെ അമ്മയുടെ പേര് ? >ശ്യാമസുന്ദരിദേവി
34. ശ്രീശാരദാദേവി സമാധിയായ വര്ഷം ? > 1920 ജൂലൈ 21
35. ശ്രീശാരദാദേവി യുടെ പ്രധാന ഉപദേശം ? >''കുഞ്ഞുങ്ങളെ ഈ ലോകം മുഴുവന് നിങ്ങളുടേതാണ് ,ആരും നമുക്ക് അന്യരല്ല ''.
36. നരേന്ദ്രന്റെ പിതാവിന്റെ പേര് ? >അഡ്വ : വിശ്വനാഥദത്ത്
37. നരേന്ദ്രന്റെ മാതാവിന്റെ പേര് ? >ഭുവനേശ്വരി ദേവി
38. നരേന്ദ്രന്റെ ജന്മദിനം ? >1863ജനുവരി 12 തിങ്കളാഴ്ച
39. ജനന ദിവസത്തെ തിഥി ? >കൃഷ്ണസപ്തതി
40.ജനനത്തിന്റെ പ്രത്യേക പ്രാധാന്യം ? >മകരസംക്രമം
41.നരേന്ദ്രനാഥന്റെ ആദ്യത്തെ പേര് എന്ത് ? >വിരേശ്വരന്
42.വീരേശ്വരന്റെ ചുരക്കപേര് ? >ബിലെ43. നരേന്ദ്രനെ സ്കൂളില് ചേര്ത്ത വര്ഷം ? >1870
44.നരേന്ദ്രനെ എത്രാമത്തെ വയസില് ആണ് സ്കൂളില് ചേര്ത്തത് ? >ഏഴാമത്തെ വയസില്
45. നരേന്ദ്രന്റെ ബാല്യകാലത്തെ ആഗ്രഹം ? >കുതിരവണ്ടിക്കാരന് ആകുക
46. കുതിരവണ്ടിക്കാരന് എന്ന് ആഗ്രഹിച്ച നരേന്ദ്രന്റെ പൂജാമുറിയില് അമ്മ സ്ഥാപിച്ച വിഗ്രഹം എന്തായിരുന്നു ? >കുരുക്ഷേത്രത്തില് തെരുതെളിയിക്കുന്ന പാര്ത്ഥസാരഥിരൂപം
47. പ്രവേശികപരീക്ഷ പാസ്സായ വര്ഷം ? >1879
48.എഫ്. എ .പരീക്ഷ പാസ്സായ വര്ഷം ? >1881
49. വിവേകാനന്ദന് ആദ്യമായി ശ്രീരാമകൃഷ്ണനെ കാണുന്ന ദിവസം ? >1881 നവംബറില്
50. നരേന്ദ്രന്റെ ജീവിതത്തില് വഴിത്തിരിവിനുകാരണക്കാരനായ പ്രൊഫസ്സര് ആര് ? >വില്യം ഹെസ്റ്റി
51.ദേവേന്ദ്രനാഥ ടാഗോറിനോട് നരേന്ദ്രന് ചോദിച്ചചോദ്യംഎന്ത്? >അങ്ങ് ദൈവത്തെ കണ്ടിട്ടുണ്ടോ
52.വിവേകാനന്ദസ്വാമി ആദ്യമായി പ്രവര്ത്തിച്ച അദ്ധ്യാത്മിക സംഘടന ? >ബ്രഹ്മസമാജം
53. നരേന്ദ്രന് ആരാകണം എന്നാണ് വിശ്വനാഥ ദത്ത് ആഗ്രഹിച്ചത് ? >നിയമപണ്ഡിതന്
54. ജോലി തേടിയ നരേന്ദ്രനാഥിന് ജോലി നല്കിയത് ആര് ? >ഈശ്വരചന്ദ്രവിദ്യാസാഗര്
55. നരേന്ദ്രന് ഏതുസ്കൂളിലെ പ്രധാനഅധ്യാപകന്നയിരുന്നു ? >ബൌ ബസാര് സ്കൂള്
56. വീട്ടിലെ ദുരിതനിവാരണത്തിന് രാമകൃഷ്ണദേവന് പറഞ്ഞ പരിഹാരം എന്തായിരുന്നു ? >കാളിമാതാവിനോട് അപേക്ഷിക്കാന്
57. കാളിക്ഷേത്രത്തില് സ്വദുരിതം പറയാന് പോയ വിവേകാനന്ദന് ദേവിയോട് ചോദിച്ചത് എന്ത് ? >''അമ്മേ അടിയന് വിവേകം അരുളിയാലും ! അടിയന് ജ്ഞാനവും ഭക്തിയുംഅരുളിയാലും ''
58. കാളിക്ഷേത്രത്തില് ദുരിതപരിഹാരത്തിന് എത്രപ്രാവശ്യം നരേന്ദ്രനെ പറഞ്ഞയച്ചു ? >മൂന്ന്പ്രാവശ്യം
59.വിവേകാനന്ദന് സ്ഥാപിച്ചസേവാസംഘടനയുടെ പേര് ? >ശ്രീരാമകൃഷ്ണ മിഷന്
60.ശ്രീരാമകൃഷ്ണ മിഷന് സ്ഥാപിച്ചത് എന്തിനു ? >ദരിദ്രനാരായണ സേവക്ക്
61.ശ്രീരാമകൃഷ്ണ മിഷന് രൂപികൃതമായ വര്ഷം ? >1897 മെയ് 1
62.ശ്രീരാമകൃഷ്ണ മഠംങ്ങളുടെ കേന്ദ്രം ? >ബേലൂര് മഠം
63.വിവേകാനന്ദന് ആദ്യം സ്ഥാപിച്ച ആശ്രമം ? >വരാഹമഠം
64.വിവേകാനന്ദന്റെ സന്യാസത്തിലെ പേരുകള് ? >വിവിദിഷാനന്ദന് , സച്ചിതാനന്ദന്
65.വിവേകാനന്ദന് എന്ന പേര് നിശ്ച്ചയിച്ചത് ആര് ? >ഖേത്രിയിലെ രാജാവ്
66.ശ്രീരാമകൃഷ്ണ മിഷന് ഉയര്ത്തിപിടിച്ചആഹ്വാനം ? >ഉത്തിഷ്ഠത! ജാഗ്രത ! പ്രാപ്യവരാന് നിബോധത!
67.സ്വാമി വിവേകാനന്ദന് ജീവിച്ചിരുന്ന കാലദൈര്ഖ്യം ? >39 വര്ഷം 5 മാസം 24 ദിവസം
68.ചിക്കാഗോ മത സമ്മേളനത്തില് വിവേകാനന്ദന് ആദ്യമായി പ്രസംഗിച്ച ദിനം ? >1893 സപ്റ്റംബര് 11
69.വിവേകാനന്ദന് പരിവ്രജനായി സഞ്ജരിച്ച വര്ഷം ? >1887മുതല് 1892 വരെ
70.വിവേകാനന്ദന് കന്യാകുമാരിയില് ശ്രീപാതശിലയില് ധ്യാനനിരതമായ ദിവസങ്ങള് ? >1892 ഡിസംബര് 25,26,27.
71.യുവാക്കളെ നോക്കി വിവേകാനന്ദന് ഗര്ജിച്ചത് എന്തായിരുന്നു ? >നമ്മുടെ രാജ്യത്തിന് ആവശ്യം ഉരുക്ക് പോലുള്ള മാംസപേശികളും ആര്ക്കും തടയാന് ആവാത്ത ഇച്ചാശക്തിയും ആണ് .ഭാരതീയനാണെന്ന് അഭിമാനത്തോടെ പ്രഖ്യാപിക്കൂ.നാടിന്റെ ശ്രേയസ് ആകട്ടെ നമ്മുടെ ലക്ഷ്യം .
72.വിവേകാനന്ദന് കന്യാകുമാരിയില് ശ്രീപാതശിലയില് നടത്തിയ ധ്യാനത്തെ ഏത് പേരില് അറിയപ്പെടുന്നു ? >സങ്കല്പ്പദിനങ്ങള്
73.ഭാരതത്തെ അറിയണമെങ്കില് വിവേകാനന്ദ കൃതികള് പഠിക്കണം .സ്വമിയിലുള്ളതെല്ലാം സാധകമാണ് ഒന്നും നിഷേധകമല്ല .സ്വാമിജിയെ കുറിച്ച് ഈ അഭിപ്രായം പറഞ്ഞത് ആര് ? >രവീന്ദ്രനാഥടാഗോര്
74. കുസൃതിയായ നരേന്ദ്രനെ കുറിച്ച് നരേന്ദ്രന് എങ്ങനെയാണ് പ്രതികരിച്ചത് ? >ഒരു കുട്ടിയുണ്ടാകണം എന്ന് ശിവനോട് പ്രാര്ഥിച്ചു അദ്ദേഹം ഭൂതഗനങ്ങളില് ഒന്നിനെയാണ് അയച്ചുതന്നത് 75. വിവേകാനന്ദന്റെ ഈശ്വരന് ഉണ്ടോ എന്ന ചോദ്യത്തിന് ദേവേന്ദ്ര നാഥടാഗോര് നല്കിയ മറുപടി ? >കുഞ്ഞേ നിനക്ക് ഒരു യോഗിയുടെ കണ്ണുകള് ആണ് ഉള്ളത് തീര്ച്ചയായും നിനക്ക് ഈശ്വരനെ കാണാന് കഴിയും
76. വിശ്വനാഥന്റെ അന്ത്യം എന്നാണ് ? >1884
77. വിവേകാനന്ദനെ തലപ്പാവ് കെട്ടാന് പഠിപ്പിച്ചത് ആര് ? >ഖേത്രിയിലെ രാജാവ്
78. വിവേകാനന്ദ സാഹിത്യസര്വസ്വം പുറത്തിറങ്ങിയ വര്ഷം ? 1963
79. വിവേകാനന്ദ സാഹിത്യസര്വസ്വം മലയാളത്തില് പ്രസിദ്ധീകരിച്ചത് ആര് ? >ശ്രീരാമകൃഷ്ണ ആശ്രമം പുറനാട്ടുകര
80.സ്നേഹത്തെകുറിച്ചുള്ള സ്വാമിജിയുടെ കാഴ്ചപ്പാട് ? >ഒന്നിനെയും മുറിവേല്പ്പിക്കരുത് .അപരനെ സ്നേഹിക്കുവാന് പഠിക്കുക .മറ്റൊരാളെ മുറിവേല്പ്പിക്കുമ്പോള് നാം നമ്മെത്തന്നെയാണ് മുറിവേല്പ്പിക്കപ്പെടുന്നത് . മറ്റൊരാളെ സ്നേഹിക്കുമ്പോള് നാം നമ്മെത്തന്നെ സ്നേഹിക്കുന്നു .
81. സ്വാമിജിയുടെ കേരളത്തിലേക്കുള്ള യാത്ര എവിടെനിന്നായിരുന്നു ? >ബാംഗ്ലൂരില്നിന്ന്
82.കേരളത്തിലേക്ക് സ്വാമിജിയെ വരുവാന് പ്രേരിപ്പിച്ചത് ആര് ? >ഡോ.പല്പു
83. കേരളത്തില് സ്വാമിജി ട്രെയിന് ഇറങ്ങിയത് എവിടെ ? >ഷോര്ണൂര്
84.അയിത്തവും അനാചാരവും നടമാടുന്നത്കണ്ട് സ്വാമിജി കേരളത്തെ വിളിച്ചപേര് എന്ത് ? >കേരളം ഭ്രാന്താലയം
85. ചിക്കാഗോ മത മഹാസമ്മേളനത്തില് ഹിന്ദു ധര്മ്മത്തെ കുറിച്ച് പ്രബന്ധം അവതരിപ്പിച്ച ദിവസം ? >1893 സെപ്റ്റംബര് 19
86. ചിക്കാഗോയിലേക്കുള്ള യാത്ര ചെയ്ത കപ്പല് ? >എസ്സ് .എസ്സ് .പെനിന്സുലര്
87. വിവേകാനന്ദന് ഇന്ത്യയില് നിന്ന് അമേരിക്കായിലേക്ക് യാത്ര ചെയ്ത ദിവസം ? >1893 മെയ് 31
88. അമേരിക്കയിലേക്കുള്ള കപ്പല് ടിക്കറ്റ് എടുത്ത്കൊടുത്തത് ആര് ? >ഖേത്രിയിലെ രാജാവ് അജിത് സിംഹന്
89.ചിക്കാഗോ മത സമ്മേളനത്തില് പ്രവേശിക്കാന് സഹായിച്ച വ്യക്തി ? >പ്രൊഫസര് ജോണ് ഹെന്ട്രിറൈറ്റ്
90.പ്രൊഫസര് ജോണ് ഹെന്ട്രിറൈറ്റ് സംഘാടക പ്രമുഖര്ക്ക് നല്കിയ കത്തിലെ വാക്കുകള് ? >ഈ ഇന്ത്യന് സന്യാസി നമ്മുടെനാട്ടിലെ എല്ലാ പ്രൊഫസര്മാരേക്കളും വലിയ പണ്ഡിതനാണ് .ഇദേഹത്തെ മതസമ്മേളനത്തിന്റെ പ്രതിനിധിയായി സ്വീകരിക്കണം .
91. ഇന്ത്യയിലെ ഏതു തുറമുഖത്ത്നിന്നാണ് ചിക്കാഗോയിലെക്ക് യാത്രപുറപ്പെട്ടത് ? > ബോംബേ തുറമുഖം
92. ചിക്കാഗോ മതസമ്മേളനം സംഘടിപ്പിച്ചതിന്റെ പ്രാധാന്യം ? >കൊളംബസ് അമേരിക്ക കണ്ടുപിടിച്ചതിന്റെ നാനൂറാം വാര്ഷികം.
93. ചിക്കാഗോ മതസമ്മേളനം നടന്ന ഹാളിന്റെ പേര് ? >ആര്ട്ട് ഇന്ററിറ്റ്യൂട്ട് ബില്ഡിംഗ് ഹാള്
94. ചിക്കാഗോ മത സമ്മേളനത്തിലെ സ്വാമിയുടെ ആദ്യ വാചകം ? > അമേരിക്കയിലെ എന്റെ സഹോദരി സഹോദരന്മാരെ
95. അമേരിക്കയില് സ്വാമിജി സ്ഥാപിച്ച സംഘടനയുടെ പേര് ? >വേദാന്തസമിതി
96. സ്വാമിജിയുടെ ഇംഗ്ലിഷ് സെക്രട്ടറിയായി നിയമിതനായ വിദേശിയുടെ പേര് ? >ജെ .ജെ . ഗുഡ്വിന്
97. ചിക്കാഗോയില് നിന്ന് ആദ്യം കപ്പല് ഇറങ്ങിയ സ്ഥലം ? > സിലോണിലെ കൊളംബോ തുറമുഖം
98. ചിക്കാഗോയില് നിന്ന് സിലോണിലെ കൊളംബോ തുറമുഖത്തില് എത്തിയ തിയതി ? >1897 ജനുവരി 18
99. വിവേകാനന്ദസ്വമിയുടെ പ്രധാന വിദേശശിഷ്യ ? >ഭഗിനി നിവേദിത
100. ഭഗിനി നിവേദിതയുടെ പൂര്വനാമം ? >മാര്ഗരറ്റ് നോബിള്
101. മാര്ഗരറ്റ് നോബിള് ചെയ്തിരുന്ന ജോലി ? >സ്കൂള് ഹെഡ്മിസ്ട്രസ്സ്
102. നിവേദിത ജനിച്ച ദിവസം ? >1867
103. നിവേദിതയുടെ അന്ത്യം ? >1911 ഒക്ടോബര് 11ന്
104. ശ്രീരാമകൃഷ്ണമിഷന്റെയും മഠത്തിന്റെയും ലക്ഷ്യം ? >ത്യാഗം ,സേവനം ,തപസ്സ് എന്നിവയെ കൂട്ടിയിണക്കി സ്വന്തംമോക്ഷത്തിനും ലോകത്തിന്റെ നന്മക്കും വേണ്ടി പ്രവര്ത്തിക്കുക .
105. പ്രൊഫസര് റൈറ്റ് ഏതു യൂണിവേഴ്സിറ്റി യിലെ പ്രൊഫസര് ആയിരുന്നു ? >ഹാര്വാര്ഡ്
106. ബേലൂരില് ശ്രീരാമകൃഷ്ണമഠം പ്രവര്ത്തനക്ഷമ മായതിയതി ? >1938 ജനുവരി 14
107. വിവേകാനന്ദസ്വാമിയുടെ ഹിമാലയ യാത്രക്ക് മുന്പ് ആശ്രമചുമതല ഏല്പിച്ചത് ആരെയാണ് ? >ബ്രഹ്മാനനന്ദസ്വാമികളെ
108. ഹിമാലയത്തിലെ മായാവതിയില് ആശ്രമം സ്ഥാപിച്ചത് ആര് ? >പാശ്ചാത്യശിഷ്യരായ സേവ്യര് ദമ്പതിമാര്
109.ഇന്ത്യന് ശാസ്ത്ര പ്രതിഭയായ ജഗതീഷ് ചന്ദ്രബോസിനെ സ്വാമി വിവേകാനന്ദന്കണ്ടുമുട്ടുന്നത് എവിടെ വച്ച് ? >പാരീസില്
110. സ്വാമി സന്യാസം സ്വീകരിച്ച വര്ഷം ? >1887 ജനുവരി അവസാന ആഴ്ച
111. വജ്രചിഹ്നം ആലെപനം ചെയ്ത കാവി പതാക ദേശിയ പതാകയായി രൂപകല്പന ചെയ്തത് ആര് ? >ഭഗനി നിവേദിത
112. വിവേകാനന്ദ സ്വാമിയുടെ മഹാസമാധി എന്ന് ? >1902 ജൂലൈ 04
113. കേരളത്തില് ശ്രീരാമകൃഷ്ണ മിഷന് സ്ഥാപിക്കാന് നിയോഗിക്കപ്പെട്ടസ്വാമി ആര് ? >സ്വാമി നിര്മലാനന്ദ
114. സ്വാമി നിര്മലാനന്ദ കേരളത്തില് എത്ര ആശ്രമങ്ങള് തുടങ്ങി ? >16
115. കേരളത്തില് സ്വാമി നിര്മലാനന്ദ എത്തിയ തിയതി ? >1911 ഫെബ്രുവരി 15
116. പ്രഭുദ്ധകേരളം എന്ന മാസിക തുടങ്ങിയത് ആര് ? >സ്വാമി നിര്മലാനന്ദ
117. കേരളത്തില് ആദ്യത്തെ ശ്രീരാമകൃഷ്ണ ആശ്രമം ഏത് ? >ഹരിപ്പാട്
118. ഹരിപ്പാട് ശ്രീരാമകൃഷണആശ്രമം സ്ഥാപിച്ച വര്ഷം ? >1912
119 . കന്യാകുമാരിയില് വിവേകാനന്ദ കേന്ദ്രം സ്ഥാപിച്ച മഹാത്മാവ് ആര് ? >മാനനീയ ഏകനാഥറാനഡെ
120. ഏതുവംശത്തില് പിറന്ന ആളാണ് വിവേകാനന്ദന് ? >കായസ്ഥവംശം
121. ''ഇന്ത്യയെക്കുറിച്ച് നിങ്ങള്ക്ക് അറിയുവാന് ആഗ്രഹിക്കുന്നുഎങ്കില് വിവേകാനന്ദനെ പഠിക്കൂ'' എന്ന് പറഞ്ഞ വിദേശചിന്തകന് ആര് ? >റോമെയ്ന് റോളങ്ങ്
122. സ്വാമിജി ചട്ടമ്പിസ്വാമികളെ പരിചയപ്പെട്ടത് ? >1892 ഡിസംബര് ഏറണാകുളത്തുവച്ച്
123. മാക്സ്മുള്ളറെ ബന്ധപ്പെട്ടത് എവിടെ വച്ച് ? >പിംലിക്കൊയില് വച്ച്
124. മാക്സ്മുള്ളര് ഏതു യുണിവേഴ്സിറ്റിയിലെ പ്രൊഫസര് ആയിരുന്നു ? >.ഓക്സ്ഫോര്ഡ്
125. പൂജനീയ മാധവസതാശിവഗോവള്ക്കര്ക്ക് (ഗുരുജി ) മന്ത്രദീക്ഷ നല്കിയ സന്യാസി ആര് ? >സ്വാമി അഖണ്ഡാനന്ദനിൽ
126. സ്വമി വിവേകാനന്ദന് ആരുടെ അഥിതി ആയാണ് തിരുവനന്തപുരത്ത് താമസിച്ചത് ? >പ്രൊഫസര് സുന്ദരരാമയ്യര്
127. എത്രയുവാക്കളെ കിട്ടിയാല് ആണ് ഭാരതത്തിന്റെ മുഖച്ചായ മാറ്റാന് കഴിയുമെന്ന് സ്വാമിജി കരുതിയത് ? > 100 പേര്
128. ചിക്കാഗോ മതസമ്മേളനം ഉത്ഘാടനം ചെയ്തത് ആര് ? >ഡോ. ബാരോസ്
129. ചിക്കാഗോ മതസമ്മേളനത്തില് ബ്രഹ്മവിദ്യാ സംഘത്തെ പ്രതിനിധീകരിച്ചത് ആര് ? > ആനിബസന്റ്
130. 1893 സെപ്റ്റംബര് 22 ന് അവതരിപ്പിച്ച പ്രബന്ധവിഷയം ഏത് ? >യാഥാസ്തിക ഹിന്ദു മതവും വേതാന്തദര്ശനവും
131.ചിക്കാഗോയില് കൂടുതല് ദിവസവും ആരോടൊപ്പമാണ് താമസിച്ചത് ? >ലിയോണ് ദമ്പതികളോടൊപ്പം
132. വിവേകാനന്ദ സ്വാമികളുടെ ജീവച്ചരിത്രം മലയാളത്തില് തയ്യാറാക്കിയത് ആര് ? >സ്വാമി സിദ്ധിനാഥാനന്ദ
133. വിവേകാനന്ദസ്വാമികളുടെ പ്രസംഗങ്ങള് ക്രോടീകരിച്ച പുസ്തകം ? > സ്പീച്ചസ് ഫ്രം കൊളംബോ ടു അല്മോറോ
134. കേരളത്തില് നിന്നും ശ്രീ രാമകൃഷ്ണ മഠം പ്രസിഡന്റാകുന്ന സന്യാസി ? >സ്വാമി രംഗനാഥാനന്ദ
135. ഭാരതത്തില് മുഴുവന് പ്രജാരത്തില് ഉള്ള ശ്രീരാമകൃഷ്ണമഠം പ്രസിദ്ധീകാരണം ? > പ്രബുദ്ധഭാരത്
136. മുപ്പത്തിമുക്കോടി ദെവീദേവന്മാരെയും മാറ്റിവച്ച് ആരെപൂജിക്കാനാണ് സ്വാമിജി ആഹ്വാനം ചെയ്തത് ? >ഭാരതമാതാവിനെ
137. സ്വന്തം ഭൂതകാലത്തില് വേരുറപ്പിച്ച് ഭാരതീയപാരമ്പര്യത്തില് അഭിമാനപൂര്വം നിന്ന വിവേകാനന്ദന് ജീവിതപ്രശ്നങ്ങളെ സമീപിച്ചരീതി നവീനമായിരുന്നു എന്ന് പറഞ്ഞ മഹാത്വ്യക്തി ആര് ? >ജവഹര്ലാല്നെഹ്രു
138. സ്വാമിജിയുടെ അഭിപ്രായത്തില് ഭാരതത്തിന്റെ മുഖമുദ്രഎന്താണ് ? >ത്യാഗവും സേവനവും
139. വിവേകാനന്ദസ്വാമികളുടെ അന്ത്യകാലത്ത് കൂടുതല്സമയവും ചിലവഴിച്ചത് ആരുമായി ? >പ്രേമാനന്ദസ്വമികളുമായി
140. സ്വാമികളെ സംസ്കരിച്ച സ്ഥലം ? >ബലൂര് മഠത്തിലെ ബില്വവൃക്ഷത്തിന്റെ ചുവട്ടില്
141. കേരളത്തില് ആദ്യമായി പന്തിഭോജനം നടന്ന വര്ഷം ? >ഹരിപ്പാട് ശ്രീരാമകൃഷ്ണാശ്രമം
142. ഹരിപ്പാട് ശ്രീരാമകൃഷ്ണാശ്രമത്തില് പന്തിഭോജനം നടന്ന വര്ഷം ? >1913
143. വിവേകാനന്ദസ്വാമികളില്നിന്ന് പ്രേരണയുള്ക്കൊണ്ട് സ്ഥാപിച്ച നവോഥാന സംഘടന ? >ശ്രീനാരായണ ധര്മ്മ പരിപാലനയോഗം (S.N.D.P )144. വിവേകാനന്ദസ്വാമികളുടെ നാമധേയത്തില് കേരളത്തില് ആരംഭിച്ച മാസിക ഏത് ? >വിവേകോദയം
145. കേരള വിവേകാനന്ദന് എന്ന് അറിയപ്പെടുന്ന സ്വാമിജി ആര് ? > അഗമാനന്ദ സ്വാമി
146. വിവേകാനന്ദ സ്വാമിയേ സ്തുതിക്കുന്ന ശ്ലോകം ? >നമഃശ്രീയതിരാജയ വിവേകാനന്ദസൂരയേ സച്ചിത് സുഖസ്വരൂപായ സ്വാമിനേ താപഹാരിണേ
swami vivekananda chicago speech malayalam
സ്വാമിവിവേകാനന്ദന് ചിക്കാഗോപ്രസംഗം-1893സെപ്റ്റംബര് 11
Chicago Prasangangal
(chicago addresses of swami vivekananda in malayalam )
ചിക്കാഗോ പ്രസംഗങ്ങള്
(സ്വാഗതത്തിനു മറുപടി)
1893 സെപ്റ്റംബര് 11
അമേരിക്കയിലെ എന്റെ പ്രിയ സഹോദരീ സഹോദരന്മാരെ
നിങ്ങള് ഞങ്ങള്ക്ക് നല്കിയ ആവേശപൂര്വവും ഹൃദയന്ഗവുംആയ സ്വാഗതത്തിനു മറുപടി പറയാന് ഏഴുന്നെല്ക്കവേ എന്റെ ഹൃദയം അവാച്യമായ ആനന്ദം കൊണ്ട് നിറയുന്നു.
''ലോകത്തിന്റെ അതി പ്രാചീന സന്യാസിപരമ്പരയുടെ
പേരില് ഞാന് നിങ്ങള്ക്ക് നന്ദി പറയുന്നു.
മതങ്ങളുടെ മാതാവിന്റെ പേരില് ഞാന് നിങ്ങള്ക്ക് നന്ദി പറയുന്നു.
സര്വവര്ഗ വിഭാഗങ്ങളിലും പെട്ട കോടി കോടി ഹിന്ദുക്കളുടെ പേരിലും ഞാന് നിങ്ങള്ക്ക് നന്ദിപറയുന്നു.''
സഹിഷ്നുത എന്ന ആശയം വിവിധ ദേശങ്ങളിലേക്ക് വഹിക്കുന്നതിനുള്ള ബഹുമതി വിദൂര ജനതകളില് നിന്ന് വന്ന ഈ ആളുകള്ക്ക് തികച്ചും അവകാശപ്പെടാമെന്നു പൌരസ്യത്യ പ്രതിനിധികളെ പരാമര്ശിച്ചു നിങ്ങളോട് ചിലര് പറഞ്ഞുവല്ലോ. ഈ മണ്ടപത്തിലുള്ള അവര്ക്കും എന്റെ നന്ദി. സഹിഷ്ണ്തയും സര്വ ലൌകിക സ്വീകാര്യവും രണ്ടും ലോകത്തിനു ഉപദേശിച്ച മതത്തിന്റെ അനുയായി എന്നതില് ഞാന് അഭിമാനിക്കുന്നു. ഞങ്ങള് സാര്വലൌകികസഹിഷ്ണുതയില് വിശ്വസിക്കുക മാത്രമല്ല സര്വമതങ്ങളും സത്യമെന്നു സ്വീകരിക്കുകയും ചെയ്യുന്നു. ലോകത്തിലുള്ള സര്വമതങ്ങളിലെയും സര്വ രാജ്യങ്ങളിലെയും പീഡിതര്ക്കും ശരണാര്ത്തികള്ക്കും അഭയമരുളിയതാണ് എന്റെ ജനത എന്നതില് ഞാന്അഭിമാനിക്കുന്നു
റോമന് മര്ദനം മൂലം യഹൂദരുടെ പുണ്യക്ഷേത്രം തകര്ത്തു തരിപ്പണമാക്കപെട്ട ആ കൊല്ലം തന്നെ ദക്ഷിണ ഭാരതത്തില് വന്നു അഭയം പ്രാപിച്ച ആ ഇസ്രയേല് വര്ഗ്ഗത്തിന്റെ അതിപവിത്രാവശിഷ്ടം ഞങ്ങളുടെ അംഗ തലത്തില് സംഭൃതമയിട്ടുന്ടെന്നു നിങ്ങളോട് പറയാന് എനിക്ക് അഭിമാനമുണ്ട്. മഹിമയുറ്റ ജരദുഷ്ട്ര ജനതയ്ക്ക് അഭയം നല്കിയതും അവരുടെ അവശിഷ്ട്ടത്തേ ഇന്നും പോറ്റി പോരുന്നതുമായ മതത്തില് ഉള്പെട്ടവന് എന്നതില് ഞാന് അഭിമാനിക്കുന്നു. അല്ലയോ സോദരരെ, എത്രയും ശൈശവം മുതല് ജപിച്ചിട്ടുള്ളതായി എനിക്കോര്മയുള്ളതും ലക്ഷ കണക്കിനാളുകള് എന്നും ജപിക്കുന്നതും ആയ ഒരു സ്തോത്രത്തില് നിന്ന് ചില വരികള് ഞാന് നിങ്ങളെ കേള്പ്പിക്കാം. " പലേടങ്ങളിലായി ഉറവയെടുത്ത പല പുഴകളിലെയെല്ലാം വെള്ളം കടലില് കൂടികലരുന്നുവല്ലോ. അതുപോലെ അല്ലെയോ പരമേശ്വര, രുചി വൈചിത്രം കൊണ്ട് മനുഷ്യര് കൈകൊള്ളുന്ന വഴികള്, വളഞ്ഞോ നേരെയോ പലമട്ടായി കാണ പെട്ടാലും എല്ലാം അങ്ങയിലേക്കത്രേ എത്തുന്നത്".
ഇതുവരെ നടന്നിട്ടുള്ള സഭകളില് എല്ലാം വെച്ച് അതിഗംഭീരമായ ഇന്നത്തെ സമ്മേളനം, സ്വയം ഗീതോപദിഷ്ട്ടമായ ഒരത്ഭുത തത്വത്തിന്റെ നീതീകരണവും പ്രഖ്യപനവുമാണ്, ആരു ഏതു രൂപത്തില് എന്നെ ഭജിക്കുന്നുവോ അവനെ ഞാന് അപ്രകാരം അനുഗ്രഹിക്കുന്നു. എല്ലാവരും ശ്രമിക്കുന്നത് ഒടുവില് എന്നിലേക്കെത്തുന്ന വഴികളിലൂടെയത്രെ. വിഭാഗീയതയും മൂഡമായ കടുംപിടുത്തവും അതിന്റെ ഭീകര സന്തതിയായ മത ഭ്രാന്തും കൂടി ഈ സുന്ദര ഭൂമിയെ ദീര്ഘമായി കയ്യടക്കിയിരിക്കുകയാണ്. അവ ഭൂമിയെ അക്രമംകൊണ്ട് നിറച്ചിരിക്കുന്നു. മനുഷ്യ രക്തത്തില് പലവുരു കുതിര്ത്തിരിക്കുന്നു. സംസ്കാരത്തെ സംഹരിച്ചിരിക്കുന്നു. ജനതകളെ മുഴുവനോടെ നൈരാശ്യത്തിലേക്ക് തള്ളിവിടുകയും ചെയ്തിരിക്കുന്നു. ഈ കൊടുംപിശാചുക്കള് ഇല്ലായിരുന്നെങ്കില് മനുഷ്യ സമുദായം ഇതിലും വളരെയേറെ പുരോഗമിക്കുമായിരുന്നു. എന്നാല് അവരുടെ കാലം ആയിക്കഴിഞ്ഞു.
ഈ സമ്മേളനത്തിന്റെ ബഹുമാനാര്ത്ഥം ഇന്നു പുലര്കാലത്ത് മുഴങ്ങിയ മണി എല്ലാ മത ഭ്രാന്തിന്റെയും, വാള് കൊണ്ടോ പേന കൊണ്ടോ ഉള്ള എല്ലാ പീഡനങ്ങളുടെയും ഒരേ ലക്ഷ്യത്തിലേക്ക് പ്രയാണം ചെയ്യുന്ന മനുഷ്യരുടെ ഇടയിലേ എല്ലാ ദുര്മാന്സ്യങ്ങലുടെയും മരണമണിയായ് ഇരിക്കട്ടേ എന്നു ഞാന് അകമഴിഞ്ഞ് ആശിക്കുന്നു.
നാം വിയോജിക്കുന്നതെന്ത് ?
(1893 സെപ്റ്റംബര് 15 )
ഞാന് ഒരു ചെറിയ കഥ പറയാം , 'പരസ്പരം ചീത്തവിളിക്കുന്നതില് നിന്ന് നമുക്ക് വിരമിക്കാം ' എന്ന് ഇപ്പോള് പ്രസംഗം നിര്ത്തിയ വാഗ്മി പറഞ്ഞത് നിങ്ങള് കേട്ടല്ലോ . ഇത്രയേറെ പൊറുത്തക്കെട് ഇപ്പോഴും ഉണ്ടായിരിക്കുന്നതില് അദ്ദേഹം വളരെ പരിതപിക്കുകയും ചെയ്തു .
ഈ പൊറുത്തക്കേടിന്റെ കാരണം കാണിക്കുന്ന ഒരു കഥ പറയണമെന്ന് ഞാന് വിചാരിക്കുന്നു . ഒരു കിണറ്റി ഒരു തവള പാര്ത്തിരുന്നു .വളരേ കാലമായി അത് അവിടെ താമസമായിട്ട്. അത് അവിടെപ്പിരന്ന് അവിടെത്തന്നെ വളര്ന്നു .ഇനിയും അത് ഒരു ചെറിയ ചിന്നതവളമാത്രം . ആതവളയുടെ കണ്ണ് പോയോ ഇല്ലയോ എന്ന് പറയാന് അന്ന് പരിണാമവാദികള് അവിടെ ഉണ്ടായിരുന്നില്ലല്ലോ. എന്തായാലും നമ്മുടെ കഥയ്ക്ക് ഇത്രയും സമ്മതിച്ചേ ഒക്കൂഃ അതിനു കണ്ണുണ്ടായിരുന്നു ; ഇന്നത്തെ അണുജീവിതത്വജ്ഞന്മാര്ക്ക്പോലും ശ്ലാഘ്യമായതരാം ഊര്ജ്വസ്വലതയോടെ അത് അവിടെയുള്ള കീടങ്ങളെയും അണുക്കളെയും എല്ലാം തിന്ന് ദിവസേനയും വെള്ളം വെടുപ്പാക്കി പോന്നു .ഇങ്ങനെ കുറച്ചുകാലം കഴിഞ്ഞു ,തവള തെല്ലു തടിച്ചുകൊഴുത്തു . അങ്ങനെയിരിക്കെ ഒരുദിവസം കടലില്നിന്ന് ഒരുതവള കിണറ്റില് വീണു.
'നീ എവിടെ നിന്ന് ?'
'ഞാന് കടലില് നിന്ന് '
'കടലോ ! അതെത്ര വലുതാണ് ? എന്റെ ഈ കിണറ്റിനോളം വലുതാണോ ?' ഇതു പറയുകയും അതു കിണറ്റിന്റെ ഒരുവശത്ത്നിന്നും മറുവശത്തേക്ക്ഒരു ചാട്ടം.
'എന്റെ ചങ്ങാതി ', കടല് തവള പറയുകയാണ് , 'എങ്ങനെയാണ് കടലിനെ ഈ കൊച്ചു കിണറിനോട് താരതമ്യം ചെയ്യുക ?'
ഒരു ചാട്ടംകൂടെ ; എന്നിട്ട് തവ ചോദിച്ചു : നിന്റെ കടല് ഇത്രയും മുണ്ടോ ?
'എന്തൊരുഅസംബന്ധംആണ് നീ പറയുന്നത് ? കടലിനെ നിന്റെ കിണറിനോട് താരതമ്യം ചെയ്യുകയോ !'
'കൊള്ളാം , പക്ഷെ , കൂപമണ്ഡുകം പറഞ്ഞു : 'എന്റെ കിണറിനേക്കാള് വലുതായി ഒന്നും ഉണ്ടാവില്ല .ഇതിനെക്കാള് വലുതായി ഒന്നും ഉണ്ടാകുക സാധ്യമല്ല .ഇവന് കള്ളന് , ഇവനെ ഇവിടെനിന്നും ചാടിക്കുക തന്നെ .'
ഇതാണ് എക്കാലവും ഉള്ള കുഴപ്പം .
ഞാന് ഒരു ഹിന്ദു . ഞാന് എന്റെ ഒരു കൊച്ചു കിണറ്റില് ഇരിക്കുകയാണ് ; എന്റെ കൊച്ചു കിണര് തന്നെ ലോകം മുഴുവനുമെന്ന് വിചാരിക്കുകയും ചെയ്യുന്നു . ക്രിസ്ത്യന് അവന്റെ കൊച്ചുകിണറ്റില് ഇരിക്കുന്നു , തന്റെ കിണര്തന്നെയാണ് ഈ ലോകമെല്ലാം എന്ന് വിചാരിക്കുന്നു .മുഹമ്മദന് അവന്റെ കൊച്ചുകിണറ്റില് ഇരിക്കുന്നു , തന്റെ കിണര്തന്നെയാണ് ഈ ലോകമെല്ലാം എന്ന് വിചാരിക്കുന്നു. നമ്മുടെതായ ഈ ലോകത്തിന്റെ പ്രതിബന്ഡങ്ങളെ തകര്ത്തു വീഴ്ത്തുവാന് ചെയ്യുന്ന മഹത്തായ പരിശ്രമത്തിന് അമേരിക്കയിലെ നിങ്ങള്ക്കു ഞാന് നന്ദി പറയേണ്ടിയിരിക്കുന്നു .ഭാവിയില് , നിങ്ങളുടെ ഉദ്ദിഷ്ടസിദ്ധിക്കു ഭഗവാന് തുണക്കുമെന്നു ഞാന് ആശിക്കുകയും ചെയ്യുന്നു .
ഹിന്ദു ധര്മ്മം
(1893 സെപ്റ്റംബര് 19 ന് സര്വമതസമ്മേളനത്തില് സ്വാമി വിവേകാനന്ദന് വായിച്ച പ്രബന്ധം )
കരുത്തുള്ള മതം
ചരിത്രാതീതകാലങ്ങളില് നിന്നും നമുക്ക് കൈവന്നീട്ടുള്ള മൂന്നു മതങ്ങള് ഇന്ന് ലോകത്തില് നിലകൊള്ളുന്നു . ഹിന്ദു മതം , ജരദുഷ്ട്രമതം ,യഹൂദമതം . അവക്കെല്ലാം അതിഭയങ്കരങ്ങളായ ആഘാതങ്ങള് എല്ക്കയുണ്ടായിട്ടുണ്ട് .എന്നീട്ടും അവയെ എല്ലാം അതിജീവിച്ചത് തങ്ങളുടെ അകക്കരുത്തിനെ തെളിയിക്കുന്നു . ക്രിസ്തുമതത്തെ ഉള്കൊള്ളാന് കഴിയാത്ത യഹൂദമതം അതിന്റെ സര്വജൈത്രി യായ പുത്രിയാല് സ്വജന്മഭൂമിയില്നിന്നുതന്നെ ഓടിക്കപ്പെട്ടു .തങ്ങളുടെ മഹാമതത്തിന്റെ കഥപറയാന് ഒരു പിടി പാഴ്സികളേ ഇന്ന് ബാക്കിയോളളൂ .ഭാരതത്തില് ആകട്ടെ അവാന്തരമതങ്ങള് ഒന്നിന് പുറകെ ഒന്നായി ഉയര്ന്ന് വൈദിക മതത്തെ അടിയോളം ഉലക്കുകയുണ്ടായി .എന്നാല് ഉഗ്രമായ ഭൂകമ്പത്തില് കടല്ത്തിരത്ത് ഉള്ള ജലരാശിപോലെ അല്പനേരത്തേക്ക് മാത്രം അത് പിന്വാങ്ങി . മടങ്ങിവരാന് ആകെ വിഴുങ്ങുന്ന പെരുവെള്ളമായി ആയിരം മടങ്ങ് തിമര്ത്തുകയറാന് , മാത്രം . ഒഴുക്കിന്റെ ബഹളം കഴിഞ്ഞപ്പോള് അവാന്തര മതങ്ങള് മുഴുവനും ഗ്രസിക്കപ്പെട്ട് മാതൃമതത്തിന്റെ അനന്തരശരീരത്തില് ചേര്ന്നു ലയിച്ചുകഴിഞ്ഞിരുന്നു .
വിശാലത
ശാസ്ത്രത്തിന്റെ പുതുപുത്തന് കണ്ടുപിടുത്തങ്ങള് യാതൊന്നിന്റെ പ്രതിധ്വനികളെ പോലെ തോന്നുന്നുവോ വേദാന്തദര്ശനത്തിന്റെ നാനാവിധങ്ങളായ പഴംകഥകളടക്കം ഏറ്റവും ഹീനങ്ങളായ ആശയങ്ങളും ദുര്വിജ്ഞേയവാദവും ജൈനരുടെ നിരീശ്വരവാദവും വരെ ഓരോന്നിനും , എല്ലാറ്റിനും ,ഹിന്ദുവിന്റെ ധര്മ്മത്തില് സ്ഥാനമുണ്ട് .'
അപ്പോള് ഒരു ചോദ്യം ഉയരുന്നു ; ഇത്ര അകലുന്ന ഈ ആരവങ്ങളെല്ലാം ഒത്തുകൂടുന്ന പൊതുകേന്ദ്രം എവിടെ ? ഗതികെട്ട മട്ടുള്ള ഈ വൈരുദ്ധ്യങ്ങളെല്ലാം നിലകൊള്ളുന്ന പൊതുവായ ചുവടെവിടെ ? ഈ ചോദ്യത്തിനുതന്നെയാണ് ഞാനിപ്പോള് സമാധാനം പറയാന് നോക്കുന്നത് .
ദയവായി നിങ്ങളുടെ ഷെയര് ബട്ടണില് ക്ലിക്ക് ചെയ്തു മറ്റുള്ളവര്ക്ക് കൂടി ഈ മഹത് പ്രസംഗം കൈമാറൂ